How to Make glass in Illustrator

អានបន្ដ>>

ក្រុមហ៊ុន Samsung នាំមកជូន ទូរទស្សន៍កោង CURVED UHD TV ដំបូងបង្អស់ក្នុងពិភពលោក មកកាន់ប្រទេស កម្ពុជា

ក្រុមហ៊ុន Samsung ដែលជាស្លាក សញ្ញាបច្ចេកវិជ្ជាលំដាប់ថ្នាក់លេខ 1 ក្នុងពិភពលោក លើបច្ចេកវិជ្ជា ទូរទស្សន៍ក្នុងរយៈពេល 8 ឆ្នាំជាប់ៗគ្នា ហើយនៅថ្ងៃនេះ ក្រុមហ៊ុន Samsung បានដាក់បង្ហាញ ទូរទស្សន៍រាងកោង Curved UHD TV គុណភាពរូបភាពច្បាស់ឥត ខ្ចោះលើកដំបូងរបស់ខ្លួន និងបានប្រកាសនូវភាពដ៏រំភើប អស្ចារ្យនៃឆ្នាំ 2014 នៃទូរទស្សន៍កោង Curved UHD TV និងម៉ូឌែលទូរទស្សន៍ UHD ដទៃរបស់ខ្លួន។ ផលិតផលថ្មីនៃបច្ចេកវិជ្ជាថ្មីនេះ និងពង្រឹងភាពជាអ្នក នាំមុខគេរបស់ក្រុមហ៊ុន Samsung និងកំណត់ល្បឿននៃការ បង្កើតថ្មីការរចនានិងមាតិកានៅក្នុង ឧស្សាហ៍កម្មនេះ។ នៅឆ្នាំ 2013 ក្រុមហ៊ុន Samsung បានណែនាំទូរទស្សន៍ UHD 3 ម៉ូឌែលដែលបានធ្វើឱ្យមាន តម្រូវការប្រើប្រាស់នៃបច្ចេកវិជ្ជាថ្មីនេះ ដោយរួមជាមួយការបង្ហាញ លើកដំបូង ដែលមិនធ្លាប់មាន នៃទូរទស្សន៍ជាមួយការ រចនារាងកោងរបស់ខ្លួន។ សម្រាប់ឆ្នាំ 2014 ក្រុមហ៊ុន Samsung កំពុង បង្ហាញពីការប្តេជ្ញាចិត្តរបស់ខ្លួនដើម្បី ជំរុញបច្ចេកវិជ្ជាថ្មីៗទំាងនោះ ដោយដាក់បង្ហាញទូរទស្សន៍រាងកោង Curved UHD TV ដំបូងបំផុងក្នុង ពិភពលោក ទៅក្នុងទីផ្សារ ប្រទេសកម្ពុជា។ ទូរទស្សន៍ដែលមានសមត្ថភាព ដ៏អស្ចារ្យដែលត្រៀមខ្លួនជាស្រេច សម្រាប់អនាគត អាចផ្តល់បទ ពិសោធន៍ដ៏អស្ចារ្យ និងនាំមកជូន អ្នកទស្សនានូវបច្ចេកវិជ្ជា ទំនើបចុងក្រោយ និងការកម្សាន្ត។ លោក ហ្គីហាន់ លី នាយកគ្រប់គ្រងសាខាថៃ សាមសុងអេឡិចត្រូនិច ប្រចាំកម្ពុជា-ឡាវ បានឱ្យដឹងថា "យើងមានមោទនភាព ណាស់ក្នុងការបង្ហាញ ទូរទស្សន៍កោង Curved UHD TV ដំបូងបំផុតក្នុង ពិភពលោកក្នុងប្រទេសកម្ពុជា។ នេះគឺជាការប្តេជ្ញាចិត្តរបស់ ក្រុមហ៊ុន Samsung ដើម្បីនាំយកមក នូវបច្ចេកវិជ្ជាចុងក្រោយបំផុត និងការច្នៃប្រឌិតដល់ ពិភពលោកក៏ដូចជាប្រទេស កម្ពុជាផងដែរ។ នេះជាបច្ចេកវិជ្ជាចុងក្រោយបំផុត ដែលផ្តល់នូវបទពិសោធន៍នៃការ កម្សាន្តដល់អ្នកទស្សនា។ ទូរទស្សន៍កោង Samsung Curved UHD TV ផ្ដល់នូវលក្ខណៈ ពិសេសដ៏អស្ចារ្យ និងបច្ចេកវិជ្ជាទំនើបថ្មី ចុងក្រោយបំផុត ដែលបង្កើនបទពិសោធន៍ ទូរទស្សន៍ដោយ រួមបញ្ចូលការបញ្ជា សំឡេង អារម្មណ៍ រូបភាព។" លោកបានបន្ថែមទៀតថា "បច្ចេកវិជ្ជានៃរូបភាពច្បាស់ ឥតខ្ចោះរបស់ Samsung UHD TV (ultra-high definition) និងអេក្រង់កោង ដែលបានរចនា ឡើងដោយផ្តល់ជូនភាពងាយស្រួល រូបភាពច្បាស់ល្អ និងរូបភាពរស់រវើកសម្រាប់ អ្នកទស្សនា។ អ្នកទស្សនាអាចរីករាយ នឹងគុណភាពរូបភាព និងវីដេអូដ៏ច្បាស់ឥតខ្ចោះ។ ត្រៀមខ្លួនជាស្រេច សម្រាប់អនាគត ជាមួយនឹងលក្ខណៈពិសេស ដែលអាចវិវឌ្ឍទៅ កំណែថ្មីនៅក្នុងពេលអនាគត។ ចំណុចពិសេស នៃទូរទស្សន៍នេះ គឺលោកអ្នកអាច បញ្ជាដោយដៃ និងសម្លេង។ ចំណុចនៃភាពជោគជ័យរបស់ យើងពិតជាសាមញ្ញ គឺយើងធ្វើការជាមួយដៃគូ ដូចជាលោកអ្នក ដើម្បី យល់ច្បាស់ពីអ្វីដែលអតិថិ ជនចង់បាននិងផ្តល់ជូននូវ តម្រូវការទាំងនេះនៅក្នុង ទិសដៅថ្មី និងអស្ចារ្យ។ ជាមួយគ្នានេះផងដែរ យើងយល់ច្បាស់លើចំណុច ដែលអតិថិជនចង់បានពី ទូរទស្សន៍របស់ពួកគាត់ ហើយយើងបានដាក់បញ្ចូលនូវ បច្ចេកវិជ្ជាទំាងនោះជាមួយ នឹងការយល់ដឹងច្បាស់ អំពីអតិថិជន និងបច្ចេកវិជ្ជាឈាន មុខគេរបស់ក្រុមហ៊ុន Samsung។ ចុងបញ្ចប់លោកក៏បានបញ្ជាក់ បន្ថែមថា “យើងសង្ឃឹមថាបច្ចេកវិជ្ជាចុង ក្រោយនៃទូរទស្សន៍កោង Curved UHD TV ដំបូងក្នុងពិភពលោក នឹងនាំមកជូននូវបទពិសោធន៍ ទូរទស្សន៍ដ៏ប្រសើរបំផុតដល់លោកអ្នក និងនាំលោកអ្នកទៅកាន់ពិ ភពកម្សាន្តដែលលោក អ្នកមិនធ្លាប់ជួបប្រទះ។” Samsung Electronics co., Ltd គឺជាក្រុមហ៊ុននាំមុខគេ លើពិភពលោកផ្នែកបច្ចេកវិជ្ជា កំពុងតែផ្លាស់ប្ដូរឱ្យកាន់តែ ប្រសើរឡើង នូវពិភព ទូរទស្សន៏ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីន ថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គីសនី និងដំណោះស្រាយផ្សេងៗ ប្រើប្រព័ន្ធ LED។ យើងមានបុគ្គលិកចំនូន 286,000 នាក់ នៅទូទាំង 80 ប្រទេស មានបរិមាណ លក់ប្រចាំឆ្នាំចំនួន 216.7 ពាន់លានដុល្លាអាមេរិក។ ព័ត៌មានបន្ថែមសូមមើល គេហទំព័រ www.samsung.com។

ប្រភពមកពីៈ Khmerload.com

អានបន្ដ>>

ចោររត់គេចចូលបឹងកំប្លោក នាំគ្នាព័ទ្ធចាប់ខ្យល់

 ​​​​ថ្ងៃព្រហស្បត្ត៏ ទី១៣ ខែកុម្ភៈ ឆ្នាំ២០១៤ ម៉ោង ០៦:៥០                     ​​​​​​​​​​​​​​​​​

         ចោរជើងឆើតម្នាក់បានធ្វើសកម្មភាពលួចកាច់ក ម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខភ្នំពេញ​1F-5245មួយគ្រឿងមិនបានសម្រេចត្រូវម្ចាស់គេទាន់ស្រែកឆោឡោ ហើយ ភ័យស្លន់ស្លោរត់គេចខ្លួនលោតចូលទៅក្នុងបឹងកំប្លោកត្រូវ បានអ្នកស្រុក រួមទាំងនគរបាល ខណ្ឌ ឫស្សី កែវ លើកគ្នាពេញទឹកពេញដីឈរត្រៀបត្រាលើមាត់បឹងសង្ឃឹមថា មិនយូរទេ គង់ចាប់ បាន មិនខាន ។

         ប៉ុន្តែការភ្ញាក់ផ្អើលឡោមព័ទ្ធចាប់ចោរដ៏ ក្លាហានម្នាក់នេះ បានប្រើអស់រយៈពេល ប្រមាណ១ ម៉ោងដូចព័ទ្ធចាប់ ខ្យល់ ខាតពេលវេលាឥតប្រយោជន៍ ។ ហេតុការណ៍នេះ បានធ្វើឱ្យមានការភ្ញាក់ ផ្អើលកាលពីវេលាម៉ោង៥ ល្ងាចថ្ងៃទី១១ កុម្ភៈ នៅក្នុងភូមិបឹងសាឡាង សង្កាត់ឫស្សីកែវ ខណ្ឌ ឫស្សីកែវ ។ តាមសម្តីម្ចាស់ម៉ូតូឈ្មោះ ហុង សំណាង ភេទប្រុស អាយុ៣៧ឆ្នាំ ជាមន្ត្រីយោធា មាន ទីលំនៅផ្ទះជួល នៅកន្លែងកើតហេតុបានឱ្យដឹងថា នៅមុនពេលកើតហេតុ គាត់ធ្វើដំណើរ មកពី ធ្វើ ការ ដោយចតម៉ូតូទុកមុខផ្ទះ រួចចូលទៅសម្រាក ក្នុងផ្ទះ ។ ខណៈនោះស្រាប់តែ មានមនុស្សចំនួន ៣នាក់ជិះម៉ូតូម៉ាកនិច ពណ៌ត្រួយចេកមួយគ្រឿងមកឈប់ក្បែរនោះ ហើយជនម្នាក់ បានធ្វើ សកម្មភាពកាច់កម៉ូតូរបស់គាត់បានសម្រេចទៅហើយ ប្រុងប្រៀបបណ្តើរចេញ ។

         គាត់រៀបរាប់ថា ក្នុងពេលនោះប្រពន្ធរបស់គាត់ កំពុងតែលក់ដូរ ឃើញក៏ស្រែកចោរៗ និង ទាញកាំបិតគំរាម ។ ភ្លាមនោះគាត់រត់ចេញពីក្នុងផ្ទះដេញតាមភ្លាមៗ និងឃើញចោរម្នាក់ភ័យស្លន់ ស្លោរត់ឡើងជិះ ម៉ូតូ បក្សពួកមិនទាន់ ក៏រត់ចូលតាមផ្លូវលំទៅក្រោយផ្ទះអ្នកភូមិ និងបានឃើញ លោតចុះ ទៅក្នុង បឹងកំប្លោកបាត់ ។ នៅល្ងាចនោះបង្កឱ្យមានការភ្ញាក់ផ្អើលយ៉ាងខ្លាំង ដោយអ្នក ស្រុក តំបន់នោះ ដែលមានផ្ទះសង់ជាប់ៗគ្នា និងសមត្ថកិច្ចនាំគ្នាឡោមព័ទ្ធមាត់បឹងកំប្លោក និងរុក រកអស់រយៈពេល ប្រមាណជា១ម៉ោង ដោយអះអាងថា ចោរបានលាក់ខ្លួនក្នុងបឹងកំប្លោកនោះ តែរកមិនឃើញសោះ ។ ដោយសាររុករកអត់ឃើញ ទើបអ្នកខ្លះនិយាយថា ប្រហែលជា ចោររត់ គេចខ្លួនបាត់ទៅហើយ មិនបានសម្ងំលាក់ខ្លួនក្នុងបឹងឱ្យចាប់ឡើយ ។

 ប្រភពមកពីៈ កោះសន្ដិភាព

អានបន្ដ>>

រថយន្តធុនដ្រា បុកម៉ូតូ ស្មាស់វី អូសជាង១០០ម៉ែត្រ បណ្ដាលឲ្យ បុរសម្នាក់ស្លាប់

បុរសម្នាក់ បានរងរបួសធ្ងន់ ហើយបញ្ជូនទៅមន្ទីរពេទ្យក៏ បានដាច់ខ្យល់ស្លាប់ភ្លាមៗ ក្រោយពីត្រូវរថយន្តធុនដ្រា បើកបុក អូសជាង១០០ម៉ែត្រ កាលពីវេលាម៉ោង១០និង៣០នាទី យប់ថ្ងៃទី២៦ ខែមករា ឆ្នាំ២០១៤ នៅត្រង់ចំណុច ស្តុបសណ្ឋាគារ ឡុងប៊ិចប្លាហ្សា តាមបណ្ដោយ ផ្លូវ២៨៩កែង និងផ្លូវ៥២៨ ក្នុង សង្កាត់បឹងកក់១ ខណ្ឌទួលគោក។ យោងតាម ប្រភពព័ត៌មាន នៅកន្លែងកើតហេតុ គេសង្កេតឃើញបុរសម្នាក់ បានជិះម៉ូតូម៉ាកស្មាស់វី មួយគ្រឿង ពណ៌ស លាយខ្មៅ ពាក់ស្លាកលេខ ភ្នំពេញ 1BR-5971 បានធ្វើដំណើរតាម បណ្ដោយផ្លូវ៥២៨ ក្នុងទិសដៅពីកើតទៅលិច ក្នុងបំណងឆ្លងស្តុប សណ្ឋាគារឡុងប៊ិចប្លាហ្សា ខណៈនោះ ក៏ស្រាប់តែមានរថយន្តម៉ាកធុនដ្រា មួយគ្រឿង ដែលត្រូវគេស្គាល់ថា ពណ៌ស តែមិនចាំស្លាកលេខ បានធ្វើដំណើរតាម បណ្ដោយផ្លូវ ២៨៩ ទិសដៅពីជើងទៅត្បូង ក្នុងល្បឿនលឿន នោះបានជ្រុលទៅបុក និងម៉ូតូចំពីមុខ យ៉ាងពេញទំហឹងបណ្ដាល ឲ្យខ្ទាតអូសម៉ូតូ ទាំងអ្នកបើកប៉ើងជាង១០០ម៉ែត្រ ហើយរថយន្តបង្កនេះ បានបើកគេចបាត់ ស្រមោលភ្លាមៗតែម្ដង។ ក្រោយពេលកើតហេតុ រថយន្តសាមុយ របស់មន្ទីរពេទ្យឯកជនមួយ បានមកដឹកជួយសង្គ្រោះបុរសនេះ ក៏ប៉ុន្តែនៅពេលដែលដល់មន្ទីរពេទ្យ ក៏បុរសរងគ្រោះនោះ ដាច់ខ្យល់ស្លាប់បាត់ទៅហើយ ។ បន្ទាប់ពីកើតហេតុ សមត្ថកិច្ចបានចុះមកអន្តរាគមន៍ នៅកន្លែងកើតហេតុ និងវាស់វែងយក ម៉ូតូជនរងគ្រោះនៅ អធិការដ្ឋាននគរបាលខណ្ឌ ទួលគោក រង់ចាំការស្រាវជ្រាវ រករថយន្តបង្កខាងលើនេះ មកដោះស្រាយតាមនីតិវិធីច្បាប់ ។ សមត្ថកិច្ចបានឱ្យដឹងថា ជនរងគ្រោះឈ្មោះ ម៉ូវ ស៊ាងឡាយ អាយុ២៦ឆ្នាំ ហើយចំពោះសព ជនរងគ្រោះខាងលើនេះ ត្រូវសមត្ថកិច្ចប្រគល់ទៅឱ្យ ក្រុមគ្រួសារដើម្បីរៀបចំធ្វើបុណ្យតាមប្រពៃណីផងដែរ៕

ប្រភពមកពីៈ ដើមអម្ពិល

អានបន្ដ>>

រត់ម៉ូតូឌុប មិនសូវកាក់កប មកប្រកបរបរឆក់ ជាប់ខ្នោះ សមត្ថកិច្ច

ភ្នំពេញ : ជនសង្ស័យជាអ្នក រត់ម៉ូតូឌុបម្នាក់ ត្រូវបាន សមត្ថកិច្ចនគរបាលប៉ុស្តិ៍ផ្សារដើមថ្កូវ ឃាត់ខ្លួន ដោយសារ ឆក់ទូរសព្ទ័ របស់សិស្ស វិទ្យាល័យផ្សារដើមថ្កូវ មិនបានសំរេច កាលពីវរលាម៉ោង១រសៀលថ្ងៃទី ០៣ ខែមករា ឆ្នាំ២០១៤ នៅចំណុចខាងត្បូង វិទ្យាល័យផ្សារដើមថ្កូវ តាមផ្លូវ៤៨៨ ក្នុងសង្កាត់ផ្សារដើមថ្កូវ ខណ្ឌចំការមន ។ សមត្ថកិច្ចបាននិយាយថា បុរសដែលជាប់ចោទពីឆក់ ទូរស័ព្ទម្នាក់នេះ ឈ្មោះ ប៉ែន ស៊ីម៉ន ភេទ ប្រុស អាយុ២៦ឆ្នាំ មុខរបររត់ម៉ូតូឌុប ស្នាក់នៅផ្ទះជួល ផ្លូវ៤៨២ ក្នុងភូមិ៣ ក្រុម២១ សង្កាត់ ផ្សារដើមថ្កូវ ខណ្ឌចំការមន ។ ជនសង្ស័យបានសារភាពថា ខ្លួនមិនដែលធ្វើសកម្មភាព បែបនេះទេ ប៉ុន្តែដោយសារ ២-៣ថ្ងៃកន្លងមកនេះ ខ្លួនរត់ ម៉ូតូឌុបមិនបានលុយ សម្រាប់ផ្គត់ផ្គង់ជីវ ភាពប្រចាំថ្ងៃសោះ ពិសេសអត់លុយ ទិញទឹកគោឲ្យកូន ដែលទើបមានអាយុ ៣ខួប ហើយក៏ដាច់ចិត្ត ប្រព្រឹត្តអំពើ សង្គមមិនចូល ចិត្តបែបនេះ ។ បុរស ប៉ែន ស៊ីម៉ន បានរៀបរាប់ទៀតថា នៅវេលាកើតហេតុ ខ្លួនបាន ឃើញសិស្សសាលាម្នាក់ កំពុងឈរនិយាយទូរស័ព្ទ នៅជិតរបងសាលា ហាក់ភ្លេចខ្លួន ក៏ដើរមកក្បែរ រួចធ្វើសកម្មភាពឆក់ ហើយរត់បានប្រមាណ៣០ម៉ែត្រ ក៏ត្រូវប្រជាពលរដ្ឋ និងនគរបាលប៉ុស្តិ៍ផ្សារដើម ថ្កូវ ដែលល្បាតជិតកន្លែង កើតហេតុ ដេញចាប់បានតែម្តង ។ សមត្ថកិច្ចនគរបាលប៉ុស្តិ៍ ផ្សារដើមថ្កូវ បានឲ្យដឹងថា យុវសិស្សដែលត្រូវជន សង្ស័យឆក់ទូរស័ព្ទ ឈ្មោះ ពៅ ឈុនហាក់ ភេទប្រុស អាយុ ១៦ឆ្នាំ រៀនថ្នាក់ទី១០ នៃវិទ្យាល័យ ប៊ុន រ៉ានី ហ៊ុន សែន ផ្សារដើមថ្កូវ ហើយទូរស័ព្ទ ដែលជនសង្ស័យឆក់ ម៉ាកសាំស៊ុង ។ បច្ចុប្បន្នជនសង្ស័យ ត្រូវបានកសាងសំណុំរឿង បញ្ចូនខ្លួនទៅឃុំនៅអធិការដ្ធាននគរបាលខណ្ឌចំការមន ដើម្បីចាត់ការតាមនីតិវិធីច្បាប់ ។ ចំណែកវត្ថុតាង ទូរស័ព្ទត្រូវបានប្រគល់ ទៅឲ្យជនរងគ្រោះវិញ ៕

ប្រភពមកពីៈ ដើមអម្ពិល

អានបន្ដ>>

ការពិសារទឹកត្រជាក់បន្ទាប់ពី បរិភោគអាហាររួច តើវាត្រឹមត្រូវចំពោះសុខភាពដែររឺទេ?

បន្ទាប់ពីបរិភោគអាហាររួច គឺគ្រប់គ្នាតែងតែត្រូវការ ទឹកត្រជាក់តើត្រឹមត្រូវរឺទេ? តើដឹងទេថាវាជាគ្រោះថ្នាក់ មួយដែលអ្នកមិនដឹងពីផលវិបាកចំពោះ ការពិសារទឹកត្រជាក់បន្ទាប់ពី បរិភោគអាហាររួច។ វាជាបញ្ហាចម្បងមួយ គឺទឹកត្រជាក់អាចផ្លាស់ប្តូរ ស្ថានភាពប្រតិកម្ម ធ្វើអោយពិបាកក្នុងការរំលាយ អាហារ។ ពេលដែលយើង បរិភោគអ្វីដែលមានភាពរាវ និងក្តៅពេក ហើយផឹកទឹក ត្រជាក់ធ្វើអោយក្រពះ ក្លាយជាពិបាករំលាយ។ ការពិសារទឹកត្រជាក់ខ្លាំង ក៏អាចបណ្តាល អោយធ្មេញមានភាពស្រៀវនិងនាំ អោយឆាប់ឈឺក្បាល មួយចំហៀងផងដែរ។ បន្ថែមពីនេះទៅទៀត ដោយសារតែម្ហូបអាហារមួយចំនួន បានពង្រីកក្រពះបន្ទាប់មកអ្នកពិសាទឹកកក ទៀតរួមផ្សំផង ធ្វើអោយក្រពះបានលាត បណ្តាលឱ្យអ្នកឈឺចាប់កាន់តែខ្លាំង។ការវិវត្តក្រពះមនុស្ស បានធ្វើការជាមួយអាហារ និងសីតុណ្ហភាព ស្រដៀងគ្នាទៅនឹង សីតុណ្ហភាពនៃរាងកាយ របស់យើងដែរ។ នេះមានន័យថា អ្វីដែលក្តៅ ខ្លាំងរឺក៏ត្រជាក់ពេក វាត្រូវតែរំលាយទាំងអស់ ទោះជាពិបាកក៏ដោយ។ ដូចគ្នានេះដែរនៅពេលដែលអ្នក បរិភោគអាហារដែល ហឺរខ្លាំង វាពិបាកក្នុងការ បំបែកអោយបានត្រឹមត្រូវ អាចបណ្តាលឱ្យរាកបាន។ ជាការពិតណាស់ការពិសារទឹកត្រជាក់ខ្លាំង ក្រោយពេលបរិភោគអាហារវាជាផលអាក្រក់ដល់សុខភាព របស់អ្នក។ ប្រសិនបើអ្នកមានទំលាប់នេះ គួរតែផ្លាស់ប្តូរវាចេញ ដើម្បីទទួលបានសុខភាពក្រពះអោយបាន ល្អរហូត។

អានបន្ដ>>

ស្រីម្នាក់ប៉ងធ្វើអត្តឃាត ២លើក មិនបានសម្រេច ព្រោះកូនជួយទាន់ លើកទី៣ គ្មាននរណា

ស្ត្រីម្នាក់មានជំងឺប្រចាំកាយរ៉ាំរ៉ៃជាយូរ ឆ្នាំព្យាបាលមិនជា បានធ្លាប់ប៉ុនប៉ងធ្វើអត្តឃាតខ្លួនឯងចំនួន ២លើក មកហើយ តែមិនបានសម្រេច ព្រោះមានកូនឃើញជួយទាន់ តែលើកទី៣ ចង.កធ្វើអត្តឃាតនៅលើផ្ទះគ្មាននរណាឃើញ បានសម្រេចដូចបំណងស្លាប់បាត់បង់ជីវិត ដែលហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង ៩ព្រឹក ថ្ងៃទី២៨ វិច្ឆិកា ២០១៣ នៅភូមិថ្នល់បត់ ឃុំភ្នំតូច ស្រុកមង្គលបូរី។ លោកវរសេនីយ៍ត្រី យ៉ត សុផល អធិការនគរបាលស្រុកមង្គលបូរី បានឲ្យដឹងថា ស្ត្រីដែលគិតខ្លីធ្វើអត្តឃាតសម្លាប់ខ្លួនឯងចោលប្តី និងកូនប្រុសស្រី ៥នាក់ ឈ្មោះ ហុង ដា អាយុ ៤៧ឆ្នាំ នៅភូមិថ្នល់បត់ ឃុំភ្នំតូច ស្រុកមង្គលបូរី។ លោកអធិការបានបន្តថា តាមការឲ្យដឹងពីបុរសជាប្តី ក៏ដូចជាកូន បានប្រាប់ដល់សមត្ថកិច្ចមូលដ្ឋានថា ស្ត្រីឈ្មោះ ហុង ដា មានជំងឺប្រចាំកាយរ៉ាំរ៉ៃយូរឆ្នាំមកហើយព្យាបាលមិនជា ដូចជា ជំងឺសរសៃប្រសាទ លើសឈាម។ ដោយសារតែមានជំងឺប្រចាំកាយ ស្រ្តីខាងលើបានព្យាយាមប៉ងធ្វើអត្តឃាតសម្លាប់ខ្លួន ២លើក មកហើយ គឺម្តងបម្រុងរត់ចូលឡានតែកូននៅក្បែរនោះ ឃើញទាន់ចាប់ទាញដៃមកវិញ។ រីឯម្តងទៀតបានព្យាយាមលោតទឹកស្រះសម្លាប់ ខ្លួន តែកូនឃើញទាន់បានជួយសង្រ្គោះបានរួចផុតពីការស្លាប់ ចំណែកលើកទី៣ នេះ ដោយគ្មាននរណាដឹងស្រ្តីនោះ បានយកខ្សែនីឡុងចង.កសម្លាប់ខ្លួនឯង នៅឆ្វៀនលើផ្ទះស្លាប់បាត់បង់ជីវិតតែម្តង។ សាកសពបន្ទាប់ពីសមត្ថកិច្ចមូលដ្ឋានធ្វើការ ត្រួតពិនិត្យរួច បានប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី៕

 

 

 

ប្រភពមកពីៈ កោះសន្ដិភាព

អានបន្ដ>>